Maelezo Kwa Ujumla

Mwaka jana ulikuwa na changamoto kwa biashara duniani kote. Licha ya ukuaji wa kiuchumi uliokuwa na matumaini, uwezo wa kununua wa watumiaji ulibakia chini ya shinikizo kubwa, na kulazimisha Wakenya kufanya maamuzi magumu zaidi ya kila siku.

Kudorora huko kwa uwezo wa kununua, pamoja na mahitaji ya kodi yanayoongezeka huku Serikali ikifuatilia kuongeza fedha zaidi kutoka kwa sekta hii ndogo ya ICT, kulichangia kutuwama kwa ukuaji wa huduma kama vile za kauli na za ujumbe. Licha ya haya, sekta ya utoaji huduma iliendelea kusajili utendaji thabiti, ikiungwa mkono na ukuaji wa biashara kama hii yetu zilizo katika ICT, pamoja na biashara ya jumla na ya rejareja, usafiri, utalii na ujenzi wa nyumba.

Kuendeleza Ukuaji kupitia Udhibiti unaosaidia

Huku upenyaji wa kasi wa huduma za simu ukikaribia kufukia wateja milioni 50 katika nchi hii yenye watu takriban milioni 52, hivyo basi kuna haja ya kutafuta njia mbadala za kuendeleza ukuaji. Vichocheo vya ukuaji vya jadi (kauli na ujumbe) vinaendelea kudhihirisha ukuaji duni wa tarakimu moja, hii ikiashiria umuhimu wa kuimarisha biashara hii yetu ili kufikia mahitaji ya watumiaji. Hii itahitaji uwekezaji zaidi na wa makini katika uvumbuzi, yote haya yakihitaji kuwepo kwa mazingira ya udhibiti kanuni unaosaidia ili kufanikiwa.

Tumebainisha kwa wasiwasi mkubwa kuweko kwa majaribio ya kusimamia sekta hii kupitia sheria na kanuni zinazopendekezwa ambazo zinataka kulazimisha kupangwa upya kwa muundo wa uendeshaji wa makampuni kama hii yetu, ambayo ukuaji wake umetokana na utekelezaji kwa njia bora wa mkakati wa biashara. Hatua kama hizi zinaweza kupunguza pakubwa uwezo wa biashara hizi wa kuwekeza, kubuni na kubadilisha maisha, jambo ambalo ndio undani hasa wa shughuli za Safaricom.

Ni matumaini yetu kuwa suala hili litashughulikiwa kwa njia ya ushauri zaidi, ikiwa ni pamoja na kuwepo majadiliano ya kufaa baina ya wahusika wote ili kuja na suluhu bora zaidi ya kuleta manufaa kwa wadau wote.

Kukaribisha Ushindani

Kenya ni soko lenye nguvu, lilio na nafasi ya kutosha kwa wahusika wengi kuingia na kushindana kwa njia ya haki katika kufuatilia ukuaji wa biashara na upendo wa chapa. Kwa hiyo jambo kuhimiza kuona hali ya ushindani ikibadilika kutokana na kuungana kunakoendelea kati ya wahusika wawili katika soko letu. Tunaamini hii itasababisha kuweko kwa uvumbuzi na ufanisi zaidi kwa manufaa ya wateja.

Safaricom wanakaribisha ushindani wa haki katika mazingira yaliyo na usawa, ambapo uwekezaji, mkakati, uvumbuzi na ahadi ya chapa ziwe ndio ufafanuzi wa kweli; kinyume na kutegemea kutumia udhibiti kanuni kama njia ya kutarajia mafanikio.

Kuunganisha Watu, Kubadilisha Maisha

Zaidi ya miaka 18 iliyopita, Safaricom imejenga biashara iliyoanzishwa kwenye nia yetu ya kutaka kubadili maisha kwa kutumia teknolojia ya simu. Tumeweza kufanya hivyo kwa kuzingatia mkakati wetu, kuendelea kutambua vyema mahitaji ya wateja wetu na kuzidi kubuni ili kuwashughulikia, na kusisitiza ufuatiliaji wa madhumuni yetu.

Hata hivyo hakuna hata moja ya haya yangeweza kufanikiwa bila ya imani yenu isiyotikisika katika maono yetu. Kwa niaba ya Bodi ya Wakurugenzi, ningependa kusema asanteni. Uvumilivu wenu, uaminifu na usaidizi unatupa moyo wa kutekeleza mengi zaidi: kutafuta fursa mpya za ukuaji ambazo zitazalisha faida kubwa kwa wanahisa, na kuwasilisha thamani kwa wadau wetu wa msingi.

Kutamatisha

Tulianza robo ya 2 ya 2020 kwa masikitiko kufuatia kufariki kwa Mkurugenzi Mkuu Mtendaji wetu, Bw. Bob Collymore, tarehe 1 Julai 2019 baada ya kupambana na ugonjwa wa kansa. Alikuwa mtu mwenye busara ambaye alikuwa na maono ya ajabu kwa ulimwengu, na kwa Safaricom. Kwa miaka tisa Bw. Collymore aliongoza biashara hii yetu hadi kuweza kufikia hatua muhimu tajika, ikiwa ni pamoja na kuongeza zaidi thamani kwa wanahisa na kuimarisha ndani yetu hisia ya kusudi ambayo imekuwa kiashiria cha undani wa shughuli zetu hapa Safaricom. Dhamira hii, ya kubadilisha maisha, ndiyo sababu kuwepo kweti leo. Kuheshimu urithi wake tutaendelea kujitolea kumaliza kazi aliyoanza. Tutaendelea kuzingatia kwa haki madhumuni yetu, na kutumia teknolojia ya simu za mkononi kuzidi kuboresha maisha ya Wakenya, na watu wengi wengine tunaoweza kuwafikia kote ulimwenguni.

Ingawa biashara yetu inakabiliwa na changamoto kadhaa, tuna imani katika uwezo wetu wa kusimamia mashaka hayo na kuhakikisha kuwepo kwa ukuaji endelevu, unaongozwa na Kamati ya Utendaji yenye uwezo zaidi sasa ikiwa inaongozwa na Bw. Michael Joseph, aliyechaguliwa na Bodi ya Wakurugenzi kuwa Mkurugenzi Mtendaji wa muda mfupi wa mpito. Tukitazama mbele, tutaendelea kuimarisha upya biashara yetu, kuwekeza katika maeneo mapya ya ukuaji, na kuimarisha vipaumbele vya kuiweka Safaricom katika nafasi ya biashara inayofaa hadi katika siku zijazo.

Nicholas Nganga | Mwenyekiti